Kumpulan #PantunMinang Edisi “Samba Gulai”

#PantunMinang hadir di timeline dunsanak tiok rabu malam mulai jam 9 lewaik 30 malam

Salamaik malam dunsanak! malam kini kito basobok baliak dalam acara #PantunMinang
Sabalun masuak tema #PantunMinang, ambo nio maingek an tentang aturan #PantunMinang, disimak:
1. wajib pakai hestek #PantunMinang
2. Pantun indak buliah manganduang unsur pornografi dan SARA
3. diharok an kapado dunsanak, bapantun jan supayo di-RT. Bueklan pantun sa kreatif mungkin. okey?

Untuak malam kini (24 April 2013) #PantunMinang nyo diagiah tema “Samba Gulai”

1. Murah haragonyo bawang perai | dijua urang ka Padang lua | Lamak rasonyo samba gulai | kalo dimakan baduo jo uda – @ElfitEka
2. jan pai lamo-lamo | masak samba gulai | panek hati bacinto | dek dapek pacar co cindua tapai – @lioneldesi
3. Pai ka pasa mambali samba gulai | mambali sambia bali lado | bia pun badan adiak baun tapai | uda sampai kini masih tatap cinto – @me_maman
4. pakai galah manjuluak kuini | tajatuah tomaik di ateh lantai | dima lah posisi adiak kini | beko uda kirim gulai patai – @TaufiqIhsan
5. Pai bajalan ka lubuak aluang | nak mambali si baju rayo |ondeh lamakny makan jo gulai jariang | lah habih gulai, piriang nyo cucuik juo – @vicisyahril
6. Masaklah samba si gulai pisang | jan sampai ratak si tampayan | dima lah hati indak ka gamang | cindua takacau hari hujan – @eijdo_odzie
7. Samba gulai kacang panjang | Ditambah samba gulai paku | Oi uda mari kito pulang ka padang | Manganang maso SMA dulu – @FannyMarpalinda
8. lamaknyo gulai pangek masin | indak salamak lontong pitalah | bamimpilah satinggi mungkin | kok tatilantang, tatilantanglah – @amelinaDH
9. jalan-jalan ka bukik tinggi | singgah dahulu di gulai bancah | adiak juo nan kanai hati | salahkan uda nan bagarah – @yanesrahman
10. Makan siang jo gulai jariang | dicampua jo samba randang | walaupun adiak baun kapindiang | sampai kini udda tetap sayang – @dedipeem
11. sibujang bataranak kambiang | kambiang dikabek arek-arek | subana lamak si gulai jariang | kok disantuang jo nasi angek – @triyuliedo
12. Sajak diangkek jadi anak rajo | Pai nyo malapeh si dayang | Sajak mato rabun sanjo | Lah tatuka burger jo gulai jariang – @TaufiqIhsan
13. Ka Pasa Naiaklah Bendi | Bali Samba Gulai Kalio | Basaba Adiak Mananti | Kito Jadi Marapulai Anak Daro – @yunanda86
14. Pagi-pagi makan samba gulai | sambia makan lewat antu | walaupun mato ambo lah takulai-kulai | ambo setia pado acara pantun tiok rabu – @me_maman
15. Umak mamasak gulai jariang | jariang didapek dari batam | Dek badan kini batambah kaliang | lakek gala jadi mak itam – @PanglimaKelam1
16. Pai malala ka hulu mudiak | singgah sabanta makan samba gulai | Uda alah siap diak | antaan lah lamang pisang lai – @arya_nando
17. Urang baralek masak gulai | gulai dimasak di ateh tungku | baa hati ka kanai | salemo baleak sampai ka baju – CAFE_0M
18. Gulai toco uni ana | untuak dimakan samo lontong | Bialah indak manggaya bana | daripado paruik babunyi tak tontong – @unidyaa
19. pai ka pakan singgah makan di kadai | nasi di makan jo gulai cancang | sabana sanang hati denai | mancaliak SP manang – @Hadi614
20. gulai cubadak jo dendeng | dicampua samo gulai jariang | ondeh mak adminyo yo bana ganteng | tapi sayang giginyo kuniang – @frankyfebriandi
21. santano jangguik pulang kadaguak | santano nasi taserak ka kuah | siang makan jo karupuak | kok malam jo gulai kuah – @yanesarahman
22. Jalan-jalan ka salido | tibo disinan nampak labi | Kok dulu samba lado | nan kini jo gulai pucuak ubi – @rafkiza
23. Gulai Gajeboh bagomok gomok | Dimakan jo gulai paku | Nan urang lah abih lalok | Nan awak meeting juo baru – @febrianrolly
24. dicaliak PantunMinang malam kini | banyak nan suko gulai jariang jo pucuak ubi | diagiah bana agak sa kuali | banyak nan manulak dek gara-gara gengsi – @rulli_nymk
25. Dari pasa mambali palai | di rumah urang manunggu makan | baharok lamak raso gulai | kironyo karambia kurang santan – @kuliner_minang
26. Gulai lauak Gulai jariang | sambanyo samba lado tanak | akhir bulan dompet kariang | klo di syukuri taraso lamak – @hr_pinturicchio
27. makan nasi jo samba gulai | gulainyo gulai jariang | kuliah jan santai-santai | beko lah terakhir baru taraso paniang – @ariesta_ferline
28. Lamaknyo itiak disamba gulai | paku kuriak dipangek si Baha | manga lah adiak duduak takulai | kutu adiak nampak tu ha – @uda_adam
29. Si kamek bali samba gulai | painyo pakai bendi baok jerami | samanjak bapisah jo gaek hati den taburai | apo kadayo di siko den ikuik suami – @LannyTRK
30. gulai pangek samba kalio | lado abuih yo maco bulek | badarai jatuah aia mato | mancaliak adiak sadang baralek – @ikhsanyowanda
31. kok makan yo jo gulai cancang | kok nagari yo minang | niat hati ka bagadang | nan mato alah bakunang-kunang – @remaja_minang
32. buah cubadak buah tajulai | talatak di ateh sarai | tapacak paluah mimin makan gulai | dek si mimin kancang ka pera – @Rikoanafi
33. Gulai paku campua lokan | makan jo samba lado | raso dandam jan disimpan | jadilah urang nan balapang dado – @hr_pinturicchio
34. kok hari lah pakan kamih | pai ka pasa mambali gulai kalio | kok jauah basaba diak manih | nan badan di rantau sadang sansaro – @theyua61
35. pagi-pagi makan lontong | gulainyo gulai cubadak | kasiah denai yo lah tadorong | tadorong ka adiak nan sabana rancak – @jeffspallanzani
36. Rumpun sariak tumbuah di tabek | sabalun ka Sumpu singgah di Kumanih | dek adiak sabana kamek | gulai pario taraso manih – @uda_adam
37. lamaknyo gulai cubadak | bacampuah jo gulai kalio | jan manilai urang dari lua rancak | tapi caliak juo dari hatinyo – @RahmiAprisa
38. Banyak lado dalam gulai cubadak | dibaok urang ka pasaman | Awak suko inyo indak | cinto batapuak sabalah tangan – @at_agung
39. Gulai jariang jo gulai toco | Dimakan anak urang ulakan | Mungkin denai urang ndak bapunyo | Mangkonyo denai uda tinggakan – @RaudhatulHsnh
40. Gulai jariang di ateh kuali | Makannyo di ateh lapiak | Yo taraso langang malam kini | taragak uda jo galak adiak – @hr_pinturicchio
41. Gulai paku di ateh tungku | gulai cubadak dalam piriang | jan lah tamanuang adiak di situ | ancak kamari hilangkan paniang – @MJ_Visgun
42. tangah hari makan gulai babek | makannyo di ateh ngalau | kalau bulan sayuik alah taingek | pantun minang paubek galau – @banavilerz_gbr
43. Gulai cancang sabana padeh | sampai-sampai salemo jadi maleleh | ampunkan denai oi mandeh | sampai kini jaso mandeh ndak tabaleh – @jeffspallanzani
44. Gulai pangek buatan si atun | lamaknyo dimakan dihari dingin | Walaupun alah panek bapantun | Indak di RT indak lah min – @LinggaArza
45. gulai toco gulai paku | gulainyo urang minang | ondeh damin pantunnyo laku | lah banyak nan galak-galak surang – @ariesta_ferline
46. makan gulai cubadak | saraso gulai toco | adiak iyo sabana rancak | tapi sayang giginyo tingga duo – @adiyaprsnta
47. Makan siang jo samba lado | tambuah ciek jo gulai tauco | baa ati dak ka taibo | lah 6 pantun kalua da ciek jo kanai RT do – @hestiaura
48. gulai kambiang dimkan jo randang | sudah makan sakik kapalo| mulai kini uda adiak tendang | dek uda kareh kapalo – @prayorifw