Kumpulan #PantunMinang Edisi “Asam Kandih”

Salamaik datang di program pantun pertama secara live di twitter.. inilah dia #PantunMinang

#PantunMinang hadir di timeline dunsanak tiok rabu malam mulai jam 9 malam

Salamaik malam dunsanak! malam kini kito basobok baliak dalam acara #PantunMinang Sabalun masuak tema #PantunMinang, ambo nio maingek an tentang aturan main #PantunMinang, disimak:
1. wajib pakai hestek #PantunMinang
2. Pantun indak buliah manganduang unsur pornografi dan SARA
3. Usahokan #PantunMinang nan sanak buek pas 140 karakter tamasuak hashtagnyo #PantunMinang. Buliah dimentionkan, buliah indak.
4. #PantunMinang yang dibuek, sesuaikan dengan tema. Tema diumumkan jam 9, sekaligus menandai mulainyo #PantunMinang.
5. Indak sadolah #PantunMinang bisa di-RT. Kalau di RT sadonyo kanai limit tweet. Jadi nan ndak di RT jan bakaciak hati lo
6. Untuak dunsanak nan ndak ikuik #PantunMinang jan dicopas #PantunMinang sanak kito. Gunoan fitur retweet/RT di twitter.
Untuak malam kini (5 Desember 2013) #PantunMinang diagiah tema “Asam Kandih”

1. asam kandih asam kuini | asam kuini jo asam sewa | iyo lasuah malam kini | abuih ubi jo aia kawa – @SupiakAjaib
2. bilo uni pai ka pasa | jan lupo balian awak asam kandih | kok ado raso manyasa | jan sagan tinggaan ambo dih – @rgniati
3. di balakang rumah ado asam kandih | basabalahan samo pohon rambutan | kini lah banyak ladies nan manih | itu semua hanyo editan – @EndaScounDrel
4. padi manguniang masak di sawah | asam kandih di ateh bilah | hiduik la paniang dek banyak masalah | karano adiak nan banyak tingkah – @papiiwan
5. Samba pangek pakai asam kandih | kuah mpek-mpek pakai asam jao | sudahlah kamek sarato manih | kok sia nan dapek yg lain jan taibo – @TikaSilmayona
6. Asam kandih asam kapeh | kaduo asam batauik-tauikan | oi anak gadih ijan pamaleh | beko kalam maso depan – @Firman_Fun
7. Ayam kuriak batalua putiah | mangakeh tanah di tapian | sabana paguno si asam kandih | palamak gulai untuak dimakan – @uda_marley
8. Asam pucuak asam kandih | Limau manih limau puruik | Muko adiak memang manih | tapi sayang acok marunguik – @fauzaniqbaal
9. asam jawa asam kandih | di tanam dakek balimbiang | kini lah banyak gadih nan manih | tapi sayangnyo plat kuniang – @bu_yuik
10. Asam kandih dikudok uni-uni | dimintak dek ajo-ajo | yo sabana payah persaingan kini | indak bapitih indak dapek karajo – @mikechimishi
11. Paik rasonyo asam kandih | Dicampua jo gulai bada | Muko adiak memang manih | Semester 11 alun juo wisuda – @randusatria
12. Asam kandih disangko dendeng | Lah tagigik mako taraso | Banyak nak gadih nan alah mereng | Sarawanyo singkek nampak layang Maco – @bang_dho
13. Asam kandih jo limau puruik | Kaduonyo dalam balango | Adiak manih hati bakaruik | Cando bungo hilang rononyo – @Bunga_Rampai80
14. Sungguah Banyak Buah Kapunduang | Jamua kan Jadi Si Asam Kandih |Sungguh Rancak Marapi Jo Singgalang | DiLingkuang Bukik Nan Babarih – @yunanda86
15. Gulai ikan di masak jo lado | ndak lupo basaratoan asam kandih | dek badan lah baransuo tuo | ansua-ansua mancari anak gadih – @coeklyoekly
16. hujan labek mananam asam kandih | ditanam di baliak paga | adiak kamek usah lah manangih | iko uda balian boneka – @MinthoAsr08
17. asam kandih campua jo maco | sabana lamak di lutok sajo | denai pinta ka tuhan kuaso | lancarkan lah rasaki ambo – @AjayKivattE
18. Asam kandih tumbuah di parak | baru tumbuah lah layua pulo | nampak uda nan manih jantuang badatak | tapi sayang lah ado nan punyo – @tilofa
19. Asam kandih asam balimbiang | kaduo-duo nyo ado di pasa | yo sbana lamak mkan sate kambiang | kalau ndak mancubo pasti manyasa – @nova_vestaria
20. Asam kandih asam balimbiang | batigo jo asam sewa | adiak manih rambuik karitiang | baa kok galaknyo kamek bana – @odhiex_bariq
21. Pai manembak ka koto tuo | banyak urang mamanen asam kandih | Banyak urang bataruah pacu kudo | nio sato indak bapitih – @coeklyoekly
22. Asam kandih asam galugua | Katigo asam riang-riang | Manangih mayik di pintu kubua | Taingek badan indak sumbayang – @hafizh321
23. limau manih buah salak | asam kandih di tangah parak | maloncek gigi palsu amak | mancaliak jawi duduak babadak – @papiiwan
24. Bkan asam kandih asam galungguang | Urek mnjulai nanka subarang | Bukan saiyo hati jo jntuang | Tuan tu bana nan dak tahan lalok surang – @elvizsyahputra1
25. asam jawa asam kandih | kaduonyo di tanam bairingan | kini banyak ladies yg manih | tpi syg tiok bapoto muncuang bapencongan – @erynvrld
26. Asam kandih ditapi paga | Palangkok si bumbu gulai | Dak guno manih bak saka | Kok ndak tau baso jo basi – @chat2610
27. Asam kandih ditanam ditangah parak | parak nyo bakuliliang jo kawek baduri | baa paruik indak ka bangkak | makan indomie satiok hari – @anakkost_PDG
28. asam kandih asam balimbiang | dibeli di pagaruyung | kok bajalan kito sairing | tapi hati selalu murung – @PelancongMalas
29. Asam kandih masih tagantuang | tagantuang takabek sblh panci | Buruak pangana si byuang katuang | mancaliak anak gadih baRok mini – @AdriJanuardi
30. Asam kandih tumbuah di ladang | di ambiak palamak gulai | denai kini lah gadih gadang | taragak basandiang jo marapulai – @tilofa
31. Asam jawo di dalam niru | asam kandih di plastik putiah | ndak disangko hati ko rindu | jo anak gadih nan gadang batiah – @hendrisajaa
32. asam kandih asam jawa | anak-anak manangkok itiak | alah panek awak bagaya | tapi indak dicaliak-caliak – @INDOBARCA_BKT
33. Asam kandih mulai baputiak | batangnyo tumbuah di tapian | Putiah kapeh buliah di caliak | putiah hati bakaadaan – @uda_marley
34. Asam kandih asam kapeh | Asam jawa jo limau puruik | Manangih hati minta lapeh | Tapi di jawa badan tapauik – @fauzihafis
35. Asam kandi jo limau mani | Di baok urang pai ka jambi | Sansai badan manahan hati | Surek tapintak kawin tak jadi – @Robialarcon
36. Asam kandih jo daun kunyik | Nak Tigo jo limau puruik | Baa nagari indak ka rumik | Nan mudo lupo jalan ka musajik – @chat2610
37. asam kandih nan partamo | nan kaduo si asam jawo | lah panek denai dek bausaho | nan kuliah tasandek juo – @rahmat_tarmizi