Kumpulan #PantunMinang Edisi “Cubadak”

Salamaik datang di program pantun pertama secara live di twitter.. inilah dia #PantunMinang

#PantunMinang hadir di timeline dunsanak tiok rabu malam mulai jam 9 malam

Sabalun masuak tema #PantunMinang, ambo nio maingek an tentang aturan main #PantunMinang, disimak:
1. wajib pakai hestek #PantunMinang
2. Pantun indak buliah manganduang unsur pornografi dan SARA
3. Usahokan #PantunMinang nan sanak buek pas 140 karakter tamasuak hashtagnyo #PantunMinang. Buliah dimentionkan, buliah indak.
4. #PantunMinang yang dibuek, sesuaikan dengan tema. Tema diumumkan jam 9, sekaligus menandai mulainyo #PantunMinang.
5. Indak sadolah #PantunMinang bisa di-RT. Kalau di RT sadonyo kanai limit tweet. Jadi nan ndak di RT jan bakaciak hati lo
6. Untuak dunsanak nan ndak ikuik #PantunMinang jan dicopas #PantunMinang sanak kito. Gunoan fitur retweet/RT di twitter.
Untuak malam kini (5 November 2014) #PantunMinang diagiah tema “Cubadak”

1. Pai ka pasa sm si nanang | nampak urg manjua cubadak | Alah standby manunggu pantun minang | Yo alah sabana taragak – @ariesta_ferline
2. Cubadak masak di tangah rimbo | dimakan urang pai baburu | sungguah ibo hati ambo kiniko | mancaliak urang pangantin baru – @nolacliquer
3. Iyo lamak raso cubadak | labiah lamak cubadak hutan | cinto denai ka anak amak | usahlah amak ragukan – @tilova
4. Buah markisa buah cubadak | Buah dicubo wakatu patuih | Ba a caro ka lalok lamak | Jikok tugas ko takana taruih – @ongkiprinanda
5. Kandak salero nio gulai cubadak | kanai bae jo incek sakak | Ndak usah adiak mampataba badak | budi baiak se nan diparancak – @e_gie23
6. dalam rimbo ado cubadak | cubadak diambiak jo pinjuluak | cantik alami tu bukanlah jo badak | tapi basah jo aia wuduak – @SavarLeo
7. Bali cubadak di tangah pasa | dibali urang bukiktinggi | indak guno kini manyasa | tarimo sajo nan alah tajadi – @nolacliquer
8. Gulai cubadak ba angekan | kawannyo samba goreng bada | Lah payah adiak manyamangaik an | apolah dayo adiak lai da – @ariesta_ferline
9. Buah cubadak ditangah pasa | habih dibali jo si amaik | Jan lupo ka dharmasraya | pai mancaliak Festival adaik – @dedetsaugia
10. Samba jariang Gulai cubadak | makannyo di pasa silungkang | nan lalok kini acok indak Lamak | Mancaliak adiak ka disuntiang urang – @ansharifebi
11. Gulai cubadak dimakan buyuang | urang gaek jalannyo dituntun | bialah pantun awak dak nyambuang | yang penting ikuik bapantun – @aciiinew
12. Duduak manih dirumah gadang | makan gulai cubadak jo gulai itiak | kapatang ko baru plg ka padang | kini lah taragak lho baliak – @ariesta_ferline
13. Cubadak di ateh sampan | Sampan dikayuah jo sabatang batuang | Ambo ko sabana tampan | Kok di caliak dr ateh gunuang – @Panglima__
14. Bali nasi gulai cubadak | mandi-mandi di lubuak paraku | Nan hati yo sabana taragak | nan adiak icak-icak indak tau – @anshariFebi
15. Makan lontong gulai cubadak | makanyo di rumah sabalah | apo adiak indak taragak | mancaliak uda yang tambah gagah – @Shan7117
16. Gulai cubadak lamak rasonyo | dimakan basamo jo kawan-kawan | tacabiak hati di dalam dado | kironyo cinto hanyo mainan – @ulifpr
17. Simpang Cubadak di Indaruang | Luruih jalan ka lubuak paraku | Cubolah danga oi nak kanduang | Jagolah badan jo tingkah laku – @karakkaraknasi
18. sungguah lamak cubadak masak | latak an nyo di ateh pinggan | #PantunMinang sabana lawak | cubo pulo buek pantun tandingan – @fm_putra
19. Makan bajamba jo gulai cubadak | dimakan saketek saketek | mancaliak adiak nan samakin rancak | makan taruang taraso steak – @e_gie23
20. Dalam bulango ado Cubadak | Usah dilatak di ateh kasua | kalau talingo lah mulai pakak | asak kato urang nan tadanga ansua – @azman_syaiful
21. Si Bujang nan di sungai cubadak | Basumando jo urang Painan | Jan sampai iduik panuah dek galak | Sampai sasa nan di kamudian – @PrimeYogaSanada
22. Di mano tumbuah cubadak | Di sabalah parak kapelo | Kalo adiak sadang taragak | Uda pun marasokan yang samo – @BangBocet
23. gulai cubadak baraso randang | dimakan manjalang patang | kini hati alah mulai sanang | mandanga MOFU baliak ka @FCSemenPadang – @LinggaArza
24. Cubadak masak sabana kamek | manih nyo indak tadayo | cubolah adiak duduak mandakek | kito bagurau basamo samo – @PratamaRiyand
25. Di alek gadang basamba cubadak| nasi angek kawan makan nyo| ondeh danga ratok anak amak| kini dirantau balinangan aia mato – @PratamaRiyand
26. Angku kali pai ka balai | malapeh taragak gulai cubadak | mato takantuak takulai-kulai | handak manonton barca malawan ayak – @Rahmatsuryaedi
27. Cubadak badakak dakak | antimun batali tali | dari jauah adiak nampak | tasirok darah dalam hati – @rankphily
28. Jauah bjalan lah traso panek | singgah makan gulai cubadak jo nasi | ketek lah tabiaso manconek | kok gadang ka jadi aktor korupsi – @alfalahFajri
29. Sungguah malang buah cubadak | Sakali babuah buahnyo busuak | Gara-gara manahan taragak | Mato batanggang samalam suntuak – @BangBocet
30. Panakiak pisau sirauik | ambiak gatah buah cubadak | kok satitiak jadikan lauik | mupakaik kamanakan sarato mamak – @rankphily
31. Lamak dimakan buah cubadak | manih taraso tibo di lidah | kok adaik basandikan syarak | syarak basandi jo kitabullah – @rankphily