Kumpulan Pantun Minang Rabu 12 Desember 2012 “Kasiah Tak Sampai”

#PantunMinang hadir di timeline dunsanak tiok rabu malam mulai jam 9 malam.

Salamaik malam dunsanak! malam kini kito basobok baliak dalam acara #PantunMinang
Sabalun masuak tema #PantunMinang, ambo nio maingek an tentang aturan #PantunMinang, disimak:
1. wajib pakai hestek #PantunMinang
2. Pantun indak buliah manganduang unsur pornografi dan SARA
3. diharok an kapado dunsanak, bapantun jan supayo di-RT. Bueklan pantun sa kreatif mungkin. okey?

Untuak malam kini #PantunMinang nyo Pantun Lawak dengan tema “Kasiah Tak Sampai”

1. Iyo lamak maco aria | kito makan baduo sajo | indak den takuik kasiah tak sampai | sakik di dado apo ubek nyo – @AfdalMhd
2. Ziarah pai ka pusaro | Bali bungo kandak an saribu | Alah samo-samo suko | Nan amaknyo indak katuju – @rhyrin_vLoppy:
3. nan badadak iolah #Randang | nan bakuah iolah #Gulai | lah tapanjek rumpuik hilalang | paubek Kasiah Tak Sampai – @MasbroRudi
4. rancak durian masak d batang | diambiak tuan angku mudo | mukasuik hati ka bakasiah sayang | tp uda ado Nan punyo – @imahfahmi
5. Ambiak aia pakai timbo | Aia dipakai mancuci kain | Dima hati indak ka ibo | Uda mamilih jo urang lain – @SepliaSS
6. Banam gas ka padang sarai | tibo disinan mancilok marawa | dek kasiah denai nan tak sampai | lah tabaliak baju nan jo sarawa – @ParfiSepriandra
7. hari minggu harinyo balai | rami dek urang pai baduo | indak seso dek kasiah nan dak sampai | tapi seso dek bayang nan tampak juo – @kidridho
8. sanang ati pai ka pantai | babaliak juo kito ka pakan | sabana padiah kasiah tak sampai | mangana cinto nan ndak bautarokan – @kokojepri
9. Nan di aceh ado smudra pasai | nan d sumbar ado pagaruyuang | Dek kasiah ko tak sampai | badan ko barujuang di tali gantuang – @heru_KA
10. Pai ka pagai naik sampan | sampan ketek balayar kain | Habih pitih biaya pacaran | adiak baralek jo urang lain – @BangBoco
11. Jalan-jalan jo kudo padati | pai bamain ka sawahlunto | bia lah diak udah manahan hati | daripada adiak durhako jo urang tuo – @Raviesme
12. Pinukuik di dalam karanjang | kopi paik nan jo malboro | Makasuik hati ka ba kasiah saying | tpi adiak nan indak manrimo – @danil_adp
13. Tajam-tajam si mato belati | tajamnyo belati ndak tabayang | Iko bana raso jatuah hati | macaliak salendang adiak hati lah sanang – @costan_rider
14. Cewang kalangik raso kasampai | Aka di bumi bahantakan | Gamang di hati kasiah tak sampai | Ramuak di dado batanguangkan – @emie_lhia
15. Daun siriah gadanglah baa | Lah masak pinang manantikan | Oi mimpi nyatolah baa | Lah kuruih badan mananguangkan – @amie_fadhilah
16. Bajalan di ateh kasiak | tapijak sahalai kain | lah lamo wak mandakekan adiak | tapi adiak nio jo yang lain – @bu_yuik
17. Patah sayok si unggeh baling | tapaso mainggok di ateh roda | Lamak se kini adiak bajalan sorang | dek abg kini jadi tukang cuci onda – @panglimakelam
18. Buah dama di tapi rimbo | rimbo data sabana langang | dima hati ndak ka ibo | awak tacinto bini urang – @Reynoldmorello
19. Buah manggi isinyo manih | di lelang di pasa baso | Senyum adiak sungguah manih | sayangnyo alah bapunyo – @KabaSumbar
20. Ramo-ramo tabang tinggi | manukiak dibaliak awan | lah lamo awak dimananti | kiro nyo adiak lah ditangan kawan – @Willygawa
21. anak urang pai ka pakan | tibo dipakan langsuang ka balai | sajak cinto denai adiak lengahkan | kuliah den kini raso tak sampai – @njamoeks
22. buruang marpati tabang karimbo | tabang karimbo mancari sarang | dima hati ndag ka ibo | uda dinanti maminang urang – @ie_moet91
23. buah mangga diateh meja | dibawok kawan karik dari subarang | sungguah manih cinto kasiah di sma | tamaik sikola diambiak urang – @YomiRiko
24. Pai bauruik ka Siteba | pai mauruik an panek di bahu | cukuik lamo adiak basaba | nan uda ndak juo amuah tahu – @lee_amely
25. Pai ka agam mandi di muaro | tibo disinan banyak urang utan | den arok ka duduak basandiang baduo | kironyo adiak di ampai kawan – @willy_oi
26. Rang Koto Tuo pai ka lading | rang pakan ambek pai ka pakan | Jikok adiak bisuak ko sanang | kanalah juo denai dalam rasian – @BuyuangGaladia
27. Dari dulu denai katokan | jan bamain di tapi jurang | dari dulu denai rasokan | kasiah nan disayang disemba urang – @hendrisajaa
28. Tirai ameh banang suto | cincin perak baparmato | bisuak adiak ka jadi nak daro | denai rila jo hati ibo – @BuyuangGaladia
29. makan lumpia isi tapai | tapainyo dari solok | bialah kasiah ka adiak ndak sampai | yang pantiang kakak adiak lah uda kakok – @Chrismondarl
30. musim hujan musim salemo | jan lupo baok saputangan | niaik uda ka manyatokan cinto | kironyo adiak lah batunangan – @AdrianFumi