Kumpulan #PantunMinang Edisi “Lompong Sagu”

Salamaik datang di program pantun pertama secara live di twitter.. inilah dia #PantunMinang

#PantunMinang hadir di timeline dunsanak tiok rabu malam mulai jam 9 malam

Salamaik malam dunsanak! malam kini kito basobok baliak dalam acara #PantunMinang
Sabalun masuak tema #PantunMinang, ambo nio maingek an tentang aturan #PantunMinang, disimak:
1. wajib pakai hestek #PantunMinang
2. Pantun indak buliah manganduang unsur pornografi dan SARA
3. diharok an kapado dunsanak, bapantun jan supayo di-RT. Bueklan pantun sa kreatif mungkin. okey?
[sws_pullquote_left]
Untuak malam kini (8 Mei 2013) #PantunMinang nyo diagiah tema “Lompong Sagu” [/sws_pullquote_left]

1. makan kuini di marapak | lompong sagu di salido | sadang bak kini denai taragak | sayangnyo adiak jauah di mato – @TaufiqIhsan
2. kain cabiak sarawa rompong | dipakai panjua lompong sagu | alah jaleh adiak ompong | eh gayanyo belagu – @damaik_uyye
3. Palai bada jo lompong sagu | Tanamo hinggo ka nagari Cino | Cinto uda usah adiak ragu | Nan lain tu sekedar TTM se nyo – @iniRickRick
4. pai mambali lompong sagu di basko | tibo di basko adonyo palai bada | kok awak ndak bisa basuo | telponan se alah jadi mah da – @ariesta_ferline
5. Bajalan ka simpang bypass | jan lupo mambali lompong sagu | kok lah ado kato nan pas | usah dibuek hati nan ragu – @dawelejunior
6. Iko namonyo si lompong sagu | sadang angek dimakan lamak | iyo sero punyo cewek gagu | inyo lah berang,awak tagalak – @iniRickRick
7. sadang duduak kapalo digaruak | dek taragak makan lompong sagu | bialah dapek bini buruak | ndk masalah asalkan guru – @dawaik_uyye
8. Lompong sagu sabana kamek | Bareh solok sabana badarai | dima ado urang baralek? | denai ka mancari makan perai – @unidyaa
9. Makan lompong sagu bagulo lawang | Dimakan anak urang ulakan | Denai ka uda sabana sayang | Tapi cinto batapuak sabalah tangan – @RaudhatulHsnh
10. palai bada jo lompong sagu | alah hitam dibaka arang | indak usah adiak ragu | cinto uda hanyo ka adiak surang – @jeffspallanzani
11. mambao lompong sagu si padati | sarato guci ameh jo loyang | mambao cinto uda ka pai | cinto nan suci jo kasiah sayang – @TaufiqIhsan
12. Ondeh lamaknyo si lompong sagu | elok di makan di hari patang | piliah di adiak ma katuju | kami barampek yo samo gadang – @eidjo_odzie
13. Makan lompong sagu sampai tacakiak | Ditaguak jo aia santan | Ondeh kapalo uda sakiak diak | Kayaknyo butuah napas buatan – @astrocio
14. ka siteba manjua lompong sagu | lah tanamo dari dahulu | ndak usah bimbang ndak usah ragu | kok suko ajaklah ka panghulu – @venyprima
15. Lompong sagu babungkuih daun pisang | ado nyo di ragunan | Kalau io adiak sayang abang | Mulai lah dari kini mambuek undangan – @HeltriaSF
16. lompong sagu dalam loyang | loyang dibao ka pulau bali | dalam siang uda tabayang | dalam lalok uda tamimpi – @Atta_FM
17. jalan-jalan mambali salendang | ditaruihan sambia balagu | ijan mangaku urang minang | kalau alun mancubo lompong sagu – @anggiaferil
18. taragak makan lompong sagu | makannyo di ateh batu | jan lah adiak ragu | tetap adiak yang nomor satu – @arnof_
19. Lompong sagu lah ampia basi | lapek sugih dicampua luo | oi paja ompong tingga gusi | anak gadih urang jan diago juo – @uda_adam
20. ado kawan banamo ucok | suko makan lompong sagu | kok jo uda lah sabana cocok | apo lai nan kito tunggu – @udafidel
21. di pasa banto ado urang gilo | urang gilo mintak lampong sagu | da min sumbar seorang jomblo | mintak ujan malam minggu – @me_maman
22. temanyo lompong sagu | talaik dimulai dek lampu mati | Oi adiak jan juo belagu | kok masih makan jo pucuak ubi – @PanglimaKelam1
23. Ka pikumbuah naiak padati | Jan lupo mambali lompong sagu | Ndak usah sanak taibo ati | Mancaliak kawan pai malam minggu – @__Fikri
24. taragak bana jo lompong sagu | nan ado malah katan durian | Ba’a denai indak ka ragu | uda nan indak mambari kapastian – @VestikaLona
25. lompong sagu kirim ka jati | dikirimnyo pakai tiki | demi adiak dan si buah hati | uda rela jadi TKI – @damaik_uyye
26. lompong sagu makan balapan | nan surang babaju batiak | padahal tadi lah jalan-jalan | kini taragak lo liak – eQ_abai
27. Lompong sagu lamak dimakan | Dimakan di wakatu sanjo | Mari kito samo bakorban | Untuak mamajuan nagari tacinto ko – ongkiprinanda
28. Lompong sagu memang lamak rasonyo | talabiah bana di hari dingin | memang susah kalau soal cinto | sakiknyo sampai ka batin – @tyasss_wb
29. mandi aia angek di solok | singgah dulu bali lompong sagu | lah lamo juo wak indak basobok | adiak juo nan uda rindu – @zikra_alpra
30. nan lamak si lompong sagu | disantuang jo kopi angek | Kok adiak masih ragu | ndak usah wak pasoan baralek – @iniRickRick
31. lompong sagu moibu ciek | pitih kalua lompong abih | iko adiak manga maliek like | ntah dek galak uda nan manih – @vintagendre
32. ambiaklah ciek buah simangko | dibalah duo merah isinyo | Lompong sagu usah ditanyo | dimakan sajo lamak rasonyo – @wendysukmajaya
33. Kopi kawa jo lompong sagu | Elok di makan di hari patang | Oi ompong usahlah malagu | Eloklah kito ba pantun minang – @Info_Bkt
34. Hari pakan mande ka balai | beko pulang mambaok lompong sagu | Onde Da jalan jan lah gamulai | Ragu urang ka maambiak minantu – @Nina_Azmi
35. Lompong sagu di rumah Tek Nini | dimakan basamo-samo | Uda pai karjo kareh kini | untuak pambayia alek kito – @NickGhawa
36. Lompong sagu dalam katidiang | dijuanyo di pasa baru | Adiak kamek rambuik karitiang | marilah kito ka panghulu – @wendysukmajaya
37. lompong sagu dibali di pasa | dilatak an dalam lamari | putuih cinto jan disasa | kok jodoh nyo ndak ka lari – @rhandimp
38. lompong sagu bakuah saka | di makan urang padang panjang | kok ndak tau adiak caro bagaya | usah dipakai baju senjang – @Waldylaw
39. lampong sagu dimakan si atun | sambia makan maruntiah bayam | lah panek ambo mangetik pantun | da min aniang-aniang ciik ayam – @me_maman
40. taragak makanLompong sagu | adonyo di kota solok | alah lamo adiak uda tunggu |sampai uda takalok – @tyasss_wb
41. urang ngalau makan lompong sagu | banyabungnyo jo gulo saka | kalau adiak masih ragu | balah dado ko cigok sabanta – @yunesarahman
42. Jalan-jalan basamo kawan | Mambali lompong sagu di lubuak buayo | Ulah dek bansaik manimpo badan | Bapisah kasiah ulah harato – @RaudhatulHsnh
43. duduak-duduak kito di lapiak | ado kopi jo lompong sagu | sedang bajalan uda tapikia adiak | palo bangkak dek talangkang pintu – @CaaLmayda
44. jalan ka pasa naiak bendi | jan lupo bali lompong sagu | nan damin alah lamo manyandiri | karano badan indak laku-laku – @remaja_minang
45. Tasabuik namo si lompong sagu | lompong sagu bagulo lawang | Lah basobok bana nan katuju | apo dayo lah punyo urang – @Hendrisajaa
46. pai mambali lompong sagu | pai mambali samo onda | hiduik di rantau baru duo minggu | lah taragak pulang basobok uda – @rahmisrimulyani
47. Lompong sagu di campua katan | di makan di parak si minan | ka lagu denai bapasan | toloang rilakan uda ka palaminan – @RianceJ
48. nio pai kapasa jo sapeda | niek pai bali lompong sagu | yo adiak bana nan dikaja | gaek manyasak punyo minantu – @ia_yhat
49. Lompong sagu makanan lamo | sakiang lamo sarik basuo | dek manunggu adiak jadi jando | semakin uda baransua tuo – @ShaqJuventini
50. lompong sagu bukuihnyu daun | onde-onde isinyu gulo | oy adiak jan malamun | beko dikijok dek urang gilo – @13yeffi
51. hari rabu hari balai | ndak lupo bali lompong sagu | jikok mimin ka jadi marapulai | jo adiak usahlah ragu – @amie_fadhilah
52. Tangah malam paruik litak | lompong sagu nan takana | Oi uda denai taragak | uda jauah ndak ado kaba – @dewi_suryanti
53. Masak sarabi jo lompong sagu | Taragak pulo mamakan lamang | Mancaliak gadih bagigi palsu | Taragak pulo ka maminang – @AbahJempol
54. lompong sagu diloyang ameh | kok dibuang rasonyo rugi | siang malam uda mangakeh | untuak adiak pasang kawek gigi – @damaik_uyye
55. Paruik jadi manggaletek | Karano lompong sagu tabaun | Kok pantun lah banyak dibuek | Yo diretweet se yang alun – @Bukan_Ariell
56. ado kawan hobi manyanyi | santiang pulo mambuek lagu | lah sagadang ko ambo kini | iyo ndak tau nan ma nan lompong sagu – @AdrianFumi
57. lompong sagu saiknyo gadang | dijua urang padang panjang | daripado sanak bamanuang surang | rancak ikuik pantun minang – @damaik_uyye
58. iyo lamak si lompong sagu | dibali dek urang rami | kok nio lamak balagu | pailah ka tampek kami – @InulViztaPdg
59. Sabana lamak si lompong sagu | Kaganti bareh ka dimakan | Jo cinto denai usahlah ragu | Sudah rayo kito alekkan – @arf_khan
60. Pai ka pasa ado lompong sagu | lamak dimakan jo aia tabu | Jiko uda maraso rindu | telpon adiak dendangkan lagu – @villyvva
61. Ka pantai manyuci pariuak | Bakeh mamasak Lompong Sagu | Pakailah yo Kaos Kapuyuak | Nyak coga ba malam minggu – @KapuyuakKloting