Kumpulan Pantun Minang Edisi Rabu 24 Oktober 2012 “Rayo Haji”

Salamaik datang di #PantunMinang, hadir di timeline dunsanak tiok rabu malam mulai jam 9 malam.

Salamaik malam dunsanak! malam kini kito basobok baliak dalam acara #PantunMinang
Sabalun masuak tema #PantunMinang, ambo nio maingek an tentang aturan #PantunMinang, disimak:
1. wajib pakai hestek #PantunMinang
2. Pantun indak buliah manganduang unsur pornografi dan SARA
3. diharok an kapado dunsanak, bapantun jan supayo di-RT. Bueklan pantun sa kreatif mungkin. okey?

Untuak malam kini #PantunMinang maangkek tema “Rayo Haji”

1. Kambiang jantan batanduak duo | rayo haji ka tibo | ntuak dunsank ketek tuo jo mudo | maaf lahir batin sadonyo (@martArmando)
2. Ka banda nangkok pantau | banda didakek surau tuo | Ibo rayo aji dirantau | Jan kan samba kupon se ndk tibo (@OlidPanuli)
3. Bali jawi ka kota malang | sambia banyanyi di tangah jalan | Rayo haji ka manjalang | Ikhlaskan hati tuak berqurban (@FarhanSeashell)
4. Baburu d kabun kopi |mandapek tupai balang jantan | dek sabantai hari Rayo Aji | Maafan doso dikanduang badan (@AhmadFadhel)
5. Nan dinanti ndak kunjung datang | nan dicari ndak pulo ado | rayo aji bisuak ka pulang nan travel panuah sadonyo (@Chedhoo)
6. Bara k lamak samba taruang | sulik dicari dilapau-lapau | Malamah badan pulang kampuang | dek kanai macet disitinjau (@BangBoco)
7. rayo aji samakin dinanti | basaba lah kito manunggunyo | jiko ado salah di hati | mohon maaf dunsanak kasadonyo (@candcandTJ)
8. Bajalan kito diak ka bukittinggi | pai mambali goreng bilih | Sadiah hati di Rayo Aji | Nio pulang tiket habih (@aryanda)
9. Pai ka gor lewat jati | belok kiri di simpang adabiah | alah tibo rayo haji | sadiah hati mancaliak si jawi kanai dabiah (@papiiwan)
10. kampuang ambo di biaro | rumah bako di tanjuang medan | Walau rayo jauah dari urang tuo | jan sadiah bakapanjangan (TaqinnnN)
11. Rang singgalang baraja mangaji | dalam sanjo tolong lantunkan | kok ndak pulang rayo aji | salam sajo tolong kirimkan (@pituah_ayah)
12. Tgl 26 Rayo Aji | Pai sumbayang ka Lap kantin | Kalau untuak ambo anak buk Haji | Sabana tanang lahia jo batin (@Info_Bkt)
13. hari rayo aji bali spatu | bapakai baju koko | alah saminggu lamonyo ndak bapantun | wak tahan demi pantun minang ko (@reyhanrerey)
14. Manggaleh dapek labo | galehnyo baju-baju kantau | baa hati ndak ka ibo | 4 tahun sudah barayo aji di rantau (@p_panyalae)
15. makan nasi jo dagiang jawi | makannyo campua jo kalio | sabanta lai rayo aji | manga kok jomblo juo (@candcandTJ)
16. rayo aji mambantai jawi |paginyo wak solat ied | eh kurban tahun kini | dek dak bapitih bayianyo kredit (@satriaandika)
17. Duduak di kopmil jo kawan lamo | duduak baselo jo urang cino | rayo aji jumat jatuah nyo | randang jo kalio kito makan basamo (@VitraRD)
18. ado danau di tangah pulau | danau nyo banyak ikan | baa hati dak ka galau | hari jum’at wak ka diqurban (@sandraaputrii)
19. Rami kampuang di rayo aji | rami dek mamotong kambiang | Kalau lah samo katuju dihati | marilah kito basandiang (@KabaSumbar)
20. Bakajaan ka simpang tui | nak mancari uok patai | Lah buruak manuang jawi | takana jumaik ka dibantai (@OlidPanuli)
21. Rayo haji barami rami, rami dek urang mndabiah jawi. Klau ado kato2 nan kurng sanng dhati, tlong barilah maaf spanuah hti (@nomsyifal)
22. si ujang mamanjek batang | kanai berang dek mak atin | dek rayo sabanta lai ka datang | mohon maaf lahia jo batin (@AriefTrisnaP)
23. Amak-amak maelo kabau | kandangnyo d bwah lumbuang | tasintak dagang di rantau | tangiang takbir rayo di kampuang (@randadhani)
24. gulai cubadak gulai kalawi | lupo ma angek an kironyo rasan | nan urang bakurban jawi | nan awak qurban perasaan (@infoSumbar)
25. buah semangko indak babiji | dek bijinyo baagia ka itiak | alangkah senangnyo rayo aji | soalnyo pai sembayang tadi samo jo adiak (@sandi_dara)
26. Kapasa mambali jambu biji | jambu biji bali sakilo | Dak taraso lah ka rayo aji | tapi uda jauah juo dimato (@rozaochakudun)
27. ka lapau bali katupek | kuahnyo kuah gulai tampuruang | Rayo aji alah dakek | jadi takana jo kmpuang (@RahmiAprisa)
28. Dari agam turun ka Panti, mambaok tambuik sarato bansi..rantangkan salam sucikan hati, kito sambuik rayo haji (@AriefbasariM)
29. Duduak di taplau sambia minum kopi | kopi diminum angek2 | jumat bisuak lah rayo haji | kito sambuik dengan sumangek (@rido_tiger)
30. kayu ditabang jo garagaji | anak bangau di batu sangka | kok ndak pulang rayo haji | dari rantau kami kiriman doa (@donee_sullivan7)
31. Elo jawi elo kabau | dielo k subarang | barayo aji di tanah rantau | di nan rami taraso surang (@FaRaziYandri)
32. didabiah si jawi jantan | didabiah lihia nyo kalua darah | Nan taun kini sato baqurban | taun bisuak sato ka makah (@TaqinnnN)
33. Si buyuang tarimo gaji | gaji dipakai mambali ladiang | Lah tibo pulo si rayo aji | sanang hati ka dapek dagiang (@hendrisajaa)
34. pai ka pasa bali gulo | gilo di bali di kadai pak ujang | iyo hati ko ta ibo | hari rayo adiak di subarang (@filtradiandara)
35. tabanglah balam jo tampuo | kasubarang mamakan padi | hari jumaik awak sumbayang rayo | hari satu mandabiah jawi (@gustiawan32)
36. balayia kapa pai ka pulau | mamacah lauik jo ombak gadang | galau hati sabana galau | dek rayo haji indak bisa pulang (@kidridho)
37. niek hati ka pai mangaji | eh basuo mintuo dikampuang kuranji | dek sabanta lai ka rayo haji | takana baju koko alun bacuci (@agungwaristy)
38. si suna babaju balang | duduak di lapau makan sapek | rayo haji ndak bisa pulang | mncubo dagiang ciek ndak lo dapek (@ii_srideyo)