Infosumbar.net – Berikut ini merupakan pantun Minang yang menarik, unik dan menghibur.
Bagi yang suka berpantun, tak ada salahnya untuk membaca beberapa pantun Minang yang bertemakan “Takicuah Tagak”.
1. makan soto bacampua cuko
tu pai mambali hp
sangko uda kok awak saliang suko
kironyo adiak php
2. Tasingkok tuduang di ateh meja
nampaklah jariang jo goreng udang
adiak nan kamek den kaja-kaja
ruponyo adiak lah bini urang
3. lah balago si ayam kuriak
lah balago sampai mati
lah tadorong kasiah ka adiak
kironyo adiak lah balaki
4. Pai lalok, ka rumah rang tuo
Den sangko elok
kironyo bamuko duo
5. bali motor ninja untuak pamer
baun asok knalpotnyo samo jo katiak
sangko uda lah sobok lo jo camer
kironyo pacar baru adiak
6. Ka padang jo si wawan
Tibo di padang si wawan ilang
Sangko kok lai di bayiaan
Kirox bayia sorang-sorang
7. Lapan tigo tambah duo
lapan limo jumlahnyo
Den sangko lai ka di baleh senyum ko
kironyo adiak mamaliangan muko
8. Basamolah kito mamikek ikan
ikan dpikek di taluak painan
bukannyo denai indak kacinan
tapi adiak lah bagala Rang rumah sutan
9. Kasingkarak mambali bili
Bili tabali di pasa pagi
Sangko kok lai suko nan gadi
Kironyo suko jo laki2
10. ka painan lewat sago
di sago ado terminal oto
Caliak tampang preman langsuang baago
kironyo taago calon mintuo
11. kapasa bali kain pel
painyo parak siang
disangko adiak kok lai singel
kironyo mamanciang di tabek urang
12. Bali jus ka singkarak
singgah dulu ka parak karakah
den sangko adiak lai ciyusss
kiro bagarah garah
13. karupuak kuah sabana lamak
Dimakan nyo pakai sarabi
takicuah denai jo urang bagak
Badan batato hati cibi cibi
14. sangko disangko batang cubadak
kironyo si batang anau
denai sangko adiak putiah dek badak
kiro e putiah dek PANAU
15. bakirok adiak ka subarang
ka subarang mancari ambai ambai
sungguah kamek si adiak sayang
kironyo katiak co rumbai rumbai
16. pai ka restoran padang
untuak mangkudok samba
nan ingin dapek pacar surang
kironyo diagiah kamba
17. pai mambali ayam kate
ka pasa pariaman
Uda lah payah pedekate
nan adiak cuma nio bakawan
18. Pai ka solok naiklah bendi
tibo silaiang kudonyo tabaliak
Skali sobok lah kanai hati
kironyo sasuku lo liak sasuku lo liak
19. Walau cuma ciek kabau
tapi kabau cirik e banyak
Tamanuang uda dirantau
kiro e adiak lah baranak
20. Urang padang pai ka pakan
tibo dimakan main balak
wak sangko pria tampan
kiro nyo supir oyak
21. buruang pipik tabang ka samak
diimpok dek batang jambo aia
disangko lai ka makan lamak
kiro nyo ditulak jo aia
22. Pai ka pasa mambali samek
kironyo datang galodo
den sangko kok lai kamek
ruponyo bantuak etek manggaleh lado
21. rami urang di tapi pantai
main umang-umang jo ambai-ambai
sadang sanang bana hati denai
tibo-tibo maaf pak.. salah awai
22. ula anak biawak
samo-samo manateh dari talua
katiko basobok adiak galak
kironyo dek ado lado tasangkuik d gigi uda
23. kayu kalek madang di lurah
di ambiak urang kapatanak
ati lakek pandang sudah
kironyo kito badunsanak
24. ambai-ambai tabang ka rimbo tibo
dirimbo dicakau baruak
denai sangko adiak lai cinto
kironyo denai kanai kicuah tagak
25. adiak iyo sabana rancak
tapi sayang suaro gadang
disangko ka maota lamak
kironyo kanai berang
26. baburu si anak kijang
dapeknyo si anak ruso
sangko kasiah ka awak surang
kironyo babagi duo
27. Jalan-jalan ka bukiktinggi
di bukiktinggi yo sabana rami
lah panek denai sikola tinggi-tinggi
nyatonyo adiak balaki datuak maringgi
28. Kuciang lalok di ateh paha
kuciangnyo balang duo
uda sangko senyum adiak nan maha
kironyo gigi adiak nan tingga duo
29. Lansek painan subana manih
ka bukik pai mambali kain
Uda disiko payah mancari pitih
disinan adiak malenggang jo nan lain
30. samuik mati dipijak gajah
gajah pun taduduak ditapi sawah
kompak urang manyabuik sah
hati sanang, taunyo untuak rang sabalah
31. Lampu merah tando baranti
ado anak yg manyubarang
gara-gara lamo mananti
kironyo alah diduluan urang
32. kuciang den namonyo siketti
paja tu suko bagaluik
nan disangko dampatan hati
kironyo lapeh dari gaduik
33. Maninjau padi lah masak
puncak lawang tampek barangin
lah hijau kaki den tagak
adiak manumpang jo ojek lain
34. Karang sari tibo jo megah
Inyo tibo bao pedang
Sanang hati disapo urang gagah
Kironyo manyapo urang dibalakang
35. Anak babi ditembak patuih
di makan dek ikan lohan
PDKT raso ka putuih
kironyo kanai pamainan
36. iko lansek bukan sumbarang lansek
ciek dimakan kanyang 3 hari
dari jauh nampak kamek
raso ka dapek pautan hati, taunyo laki
37. Buruang gagak tabang ka ateh
takuik jatuah digiliang oto
Uda gagah lagak urang kayo
kironyo uda supir oto puso
38. ka bangko manjua martabak
nan punyo etek adang
di sangko lai ka di awak
kironyo kini la di urang
39. Manggaleh kain di pasa koto
kain batiak nan paliang laku
den sangko uda kok batato
ruponyo uda nan ba panau
40. ka kadai mambali nasi
makannyo samo gulai toco
la sapanjang tali baruak mambuek puisi
kironyo adiak ndk pandai mambaco
