Infosumbar.net – Berikut ini merupakan pantun Minang yang menarik, unik dan menghibur.
Bagi yang suka berpantun, tak ada salahnya untuk membaca beberapa pantun Minang yang bertemakan “Parasaian Iduik”.
1. bakirim surek ka kantua pos
surek di kirim ka jambi
ikolah parasaian anak kost
akhir bulan santuang indomi
2. Lauak bada lauak pantau
kaduo lauak masuak ka lukah
Lah lamo pai marantau
nan iduik ndak juo baubah ubah
3. bantai kambiang untuak aqiqah
tangah hari makan cimangko
kawan samo gadang lah abih manikah
nan awak masih jomblo juo
4. Babini tigo alun lah cukuik
Kandaknyo Pizza Hut koq indq sate
Ba iko bana lah hiduik
Di PHP taruih see
5. ka bukiktggi nonton pacu kudo
ka pasa ateh bali pergede
lah ringkih badan ko manahan sasak di dado
dek jauh jo mande
6. hari sabtu mamanciang baluik
di jua kapasa naiak oto
taraso bana parasaian iduik
apo lai ditambah parasaian cinto
7. ramo-ramo tabang masiang-masiang
kanai kaja dek kalilawa
alah lamo karajo di perusahan asiang
sampai kini indak tabali sarawa
8. hari sabtu sakik pariuk
bali ubek sampai berang
co iko bana parasaian iduik
padusi dikaja lapeh ka tangan urang
9. Makan sate di simpang gaduik
Bali godok-godok di lapau Burhan
iko lah yg namonyo parasaian iduik
ma ongok-ongok caliak urang pacaran
10. Kareh batang sikayu manih
Katonggak pondok rumbio
Bareh jo samba yo alah abih
tapi nan kiriman kampuang alun tibo juo
11. Badabua ombak pantai Puruih
Abunyo sampai ka ulak karang
Dimalah badan indak ka kuruih
Badan dirantau taragak pulang
12. kapasa mancari kalikih
pulangnyo naiak bemo
lah cando iko mancari pitih
ujuang bulan ba utang juo
13. Pai ka sawah mancari pensi
Pensi dicari kironyo lah mati
Dari pagi iko baru mangicok nasi
Yo mode ko bana paya mancari piti
14. Mati dibungkui kapan
lalok dbungkui saruang
Kok untuang jauah dari badan
dimano duduak disinan bamanuang
15. Anak daro sadang di arak Saminggu
lamonyo dipingik
Co iko bana nasib urang rancak
Dima tagak banyak nan bingik
16. Ado pagar tabuek dari baja
Baja nyo di campua jo basi
Alah acok bana denai baraja
ulangan tetap jo remedi
17. Yo lah karam
Pantun urang yo sabana rancak
Baiko bana mancari Sakam
bakureh tiok malam mancari Cacak
18. Mamapeh baluik disawah kamang
ndak taraso hari lah sanjo
antah bilo hiduik kasanang
badan diseso sansaro juo
19. Pai ka pasa mambali peti
peti untuak malatak’an ampalam
dek sibuk amak wak mancari pitih
sampai lupo kini ko hari alah malam
20. joko pai kapasa
tibo dipasa mambali sarawa
mode ko bana nasib mahasiswa
dek taragak ka capek wisuda
21. Ka dokter pai barubek
Dokternyo tingga di tanah sirah
Alah panek-panek tugas ko dibuek
Kironyo salah lo jo yang disuruah
22. Nan hitam warnanyo arang
Nan putiah warnanyo tarang
Coiko iduik dirantau urang
Pulang patang pitih bautang
23. hari sanjo bali paregede
paregede dibali ka padang panjang
tamanuang jomblo mamacik hp
mancaliak TL mararau surang
24. Manangkok ikan paki tubo
Untuak makan urang baralek
Baa hati ndak ka taibo
angko anam manjadi ampek
25. ilalang di tangah koto
kudo gadang talantak oto
malang nasib di bulan tuo
marlboro sabatang isok balimo
26. pai ka pasa bali ikek pinggang
lai katuju ruponyo maha bana
si dosen ndak ado yang manenggang
magiah tugas sambuah bana
27. Ka pariaman mancaliak tabuik
pas ka pai pitih kurang
co iko bana parasaian iduik
urang yang awak sayang di ambiak urang
28. Kapasa mambali baluik
urang manjua di paliang suduik
kok bacarito parasaian iduik
antahlah nan ka di sabuik
29. Cat rumah pakai kuas
Atoknyo pakai rumbio
Yo payah manjadi koas
Kurang lalok dihariak pulo
30. Urang biaro pai ka baso
Tibo dibaso main kalereng
Iko lo gayanyo kalau tanggal tuo
Bongka-bongka lamari cari pitih dareng
31. pag-pagi pai manciang ka bunguih
sabalun pai mari kito mambaco doa
badan lah kuruih saku lah anguih
mode ko bana prasaian mambuek TA
32. Nan balang inyiak harimau
Nan bagak namonyo singo
iyo malang badan di rantau
kok sakik indak ado nan batanyo
33. Kasawah magumbalo kabau
kabau e gambuang makan e banyak
Co iko paik marantau
rokok tapuntuang kopi tadadak
34. awak auih minum sup buah
buah dikarek sabana lamak
iyo sansai jd anak buah
gaji ketek karajo banyak
35. lambek baransua jalan ka rumah
sayua sakabek dipapah juo
dek maansua cicilan rumah
talua bulek dibalah duo
36. tiok ka kampus naik oplet
rami2 jo urang sunter
urang kini lah pakai tablet
nan awak masih juo nokia senter
37. Duduak bamanuang tangah malam
tadanga kicau si buruang murai
lah jatuah aia mato kadalam
sadang basayang badan bacarai
38. baliang-baliang di ateh bukik
baputa-puta mode roda oto
hati ko lah sabana sakik
dek karajo alun datang juo
39. Tagak bendera jo marawa
lah gadang aie di banda
Co iko bana nasib mahasiswa
tiok malam batanggang demi wisuda
40. anak ketek bali permen
permen di bali nan gadang-gadang
co iko nasib tukang orgen
siang lalok malam batanggang