Infosumbar.net – Berikut ini merupakan pantun Minang yang menarik, unik dan menghibur.
Bagi yang suka berpantun, tak ada salahnya untuk membaca beberapa pantun Minang yang bertemakan “Rayo Haji”.
1. Kambiang jantan batanduak duo
rayo haji ka tibo
ntuak dunsank ketek tuo jo mudo
maaf lahir batin sadonyo
2. Ka banda nangkok pantau
banda didakek surau tuo
Ibo rayo aji dirantau
Jan kan samba kupon se ndak tibo
3. Bali jawi ka kota malang
sambia banyanyi di tangah jalan
Rayo haji ka manjalang
Ikhlaskan hati tuak berqurban
4. Baburu di kabun kopi
mandapek tupai balang jantan
dek sabanta lai hari Rayo Aji
Maafan doso dikanduang badan
5. Nan dinanti ndak kunjung datang
nan dicari ndak pulo ado
rayo aji bisuak ka pulang
nan travel panuah sadonyo
6. Bara ka lamak samba taruang
sulik dicari di lapau-lapau
Malamah badan pulang kampuang
dek kanai macet di sitinjau
7. Rayo aji samakin dinanti
basaba lah kito manunggunyo
jiko ado salah di hati
mohon maaf dunsanak kasadonyo
8. Bajalan kito diak ka bukittinggi
pai mambali goreng bilih
Sadiah hati di Rayo Aji
Nio pulang tiket habih
10. Pai ka gor lewat jati
belok kiri di simpang adabiah
alah tibo rayo haji
sadiah hati mancaliak si jawi kanai dabiah
11. kampuang ambo di biaro
rumah bako di tanjuang medan
Walau rayo jauah dari urang tuo
jan sadiah bakapanjangan
12. Rang singgalang baraja mangaji
dalam sanjo tolong lantunkan
kok ndak pulang rayo aji
salam sajo tolong kirimkan
13. hari rayo aji bali spatu
bapakai baju koko
alah saminggu lamonyo ndak bapantun
wak tahan demi pantun minang ko
14. Manggaleh dapek labo
galehnyo baju-baju kantau
baa hati ndak ka ibo
4 tahun sudah barayo aji di rantau
15. makan nasi jo dagiang jawi
makannyo campua jo kalio
sabanta lai rayo aji
manga kok jomblo juo
16. rayo aji mambantai jawi
paginyo wak solat ied
eh kurban tahun kini
dek dak bapitih bayianyo kredit
17. Duduak di kopmil jo kawan lamo
duduak baselo jo urang cino
rayo aji jumat jatuah nyo
randang jo kalio kito makan basamo
18. Ado danau di tangah pulau
danau nyo banyak ikan
baa hati dak ka galau
hari jum’at wak ka diqurban
19. Rami kampuang di rayo aji
rami dek mamotong kambiang
Kalau lah samo katuju di hati
marilah kito basandiang
20. Bakajaan ka simpang tui
nak mancari uok patai
Lah buruak manuang jawi
takana jumaik ka dibantai
21. Rayo haji barami rami
rami dek urang mandabiah jawi
Kalau ado kato-kato nan kurang sanang di hati
tolong barilah maaf sapanuah hati
22. si ujang mamanjek batang
kanai berang dek mak atin
dek rayo sabanta lai ka datang
mohon maaf lahia jo batin
23. Amak-amak maelo kabau
kandangnyo di bawah lumbuang
tasintak dagang di rantau
tangiang takbir rayo di kampuang
24. gulai cubadak gulai kalawi
lupo ma angek an kironyo rasan
nan urang bakurban jawi
nan awak qurban perasaan
25. buah semangko indak babiji
dek bijinyo baagia ka itiak
alangkah senangnyo rayo aji
soalnyo pai sembayang tadi samo jo adiak
26. Kapasa mambali jambu biji
jambu biji bali sakilo
Dak taraso lah ka rayo aji
tapi uda jauah juo dimato
27. ka lapau bali katupek
kuahnyo kuah gulai tampuruang
Rayo aji alah dakek
jadi takana jo kampuang
28. Dari agam turun ka Panti
mambaok tambuik sarato bansi
rantangkan salam sucikan hati
kito sambuik rayo haji
29. Duduak di taplau sambia minum kopi
kopi diminum angek-angek
jumat bisuak lah rayo haji
kito sambuik dengan sumangek
30. kayu ditabang jo garagaji
anak bangau di batu sangka
kok ndak pulang rayo haji
dari rantau kami kiriman doa
31. Elo jawi elo kabau
dielo ka subarang
barayo aji di tanah rantau
di nan rami taraso surang
32. didabiah si jawi jantan
didabiah lihia nyo kalua darah
Nan taun kini sato baqurban
taun bisuak sato ka makah
33. Si buyuang tarimo gaji
gaji dipakai mambali ladiang
Lah tibo pulo si rayo aji
sanang hati ka dapek dagiang
34. pai ka pasa bali gulo
gilo di bali di kadai pak ujang
iyo hati ko ta ibo
hari rayo adiak di subarang
35. tabanglah balam jo tampuo
kasubarang mamakan padi
hari jumaik awak sumbayang rayo
hari satu mandabiah jawi
36. balayia kapa pai ka pulau
mamacah lauik jo ombak gadang
galau hati sabana galau
dek rayo haji indak bisa pulang
37. niek hati ka pai mangaji
eh basuo mintuo dikampuang kuranji
dek sabanta lai ka rayo haji
takana baju koko alun bacuci
38. si suna babaju balang
duduak di lapau makan sapek
rayo haji ndak bisa pulang
mancubo dagiang ciek ndak lo dapek
