Kumpulan #PantunMinang Edisi “Judul Lagu Minang”

#PantunMinang hadir di timeline dunsanak tiok rabu malam mulai jam 10 malam

Salamaik malam dunsanak! malam kini kito basobok baliak dalam acara #PantunMinang
Sabalun masuak tema #PantunMinang, ambo nio maingek an tentang aturan #PantunMinang, disimak:
1. wajib pakai hestek #PantunMinang
2. Pantun indak buliah manganduang unsur pornografi dan SARA
3. diharok an kapado dunsanak, bapantun jan supayo di-RT. Bueklan pantun sa kreatif mungkin. okey?

Untuak malam kini ( 19 Desember 2012) #PantunMinang nyo diagiah tema “Judul Lagu Minang”

1. tinggi si batang pinang | tumbuah di sblah batang manggih | takicuah denai dek kato sayang | dek ulah “tadayo jo muluik manih” – @infoSumbar
2. Ajo udin iyo sabana pilik | pilik nyo yo basangkan | Iko lagu nan dinyanyian odi malik | judul nyo “maratok gunung pasaman” – @panglimakelam
3. Anak sipasan dalam biliak | sudah tu lari ka dalam lamari | jan ragu jan bimbang diak | “jan gamang mainai jari” – @eQ_abai
4. Yo lamak “malam bainai” | apo lai ka bali | Yo lah ibo ati denai | iduik jomblo ndak ado nan peduli – @pareman_gaduik
5. ka gurun manangkok capuang | capuangnyo tabang ka ladang | denai samakin “takana jo kampuang” | maliek samba randang di rm padang – @anekahaspetra
6. ka samak mancari sampelo | elok-elok tapijak kayu lapuak | oi dunsanak nan masih jomblo | elok-elok beko jadi “bujang lapuak” – @SocMedSumbar
7. parahu cadiak baok balabuah,balabuah ditarang bulan,adiak jauah denai pun jauah,bialah “rindu bapusarokan” – @Rikoanafi
8. Ameh padati tagak disiteba | Payah untuak dihantaman | Padiah hati mancaliak uda | Bamanih ‘Galak dipasandiangan’ – @rhyrin_vLoppy
9. “marawa di alek gadang-gadang | bapesta masak samba randang | bukannyo uda ndak nio berang | itu tando uda lah ndak syang – @renowarzi
10. Anak sipasan didalam batang|batang diambiak utk kasau|bae kupi sangah kok stang|sambia mandanga “mudiak arau” – @eQ_abai
11. Bali roti ka tanjuang jati | roti di makan jo salai tapai | Kaciak hati dek maratoki | Maratoki “kasiah tak sampai” – @pareman_gaduik
12. Nan tajam pisau balati | ntuak dipakai pai baparang | ba’a ndak ka risau juo hati | awak lah “takicuah di nan tarang” – @dhea_synthia
13. kancang kudo pado padati | padati mambaok kain sulaman | mode iko raso dikhianati| raso ka ma “ratok gunuang pasaman” – @infoSumbar
14. Anak sipasan jo anak lipan | bamain di dalam kandang | ndak tantu sakik ka dikatoan | dek ulah “takicuah di nan tarang” – @eQ_abai
15. “anak sipasan” pai maronda. Duduak sabanta di kadai yolan. Hiduik manahan adiak, kini alah “basimpang jalan” – @pareman_gaduik
16. lamak makan jo ‘Bareh Solok’ | Dimakan jo samba lado | Payah bakawan jo urang ongok | Di ajaan inyo mangango – @rhyrin_vLoppy
17. buruang balam jo barabah | tabang malayok kakubangan | sampai badan dikanduang tanah | mintak di”rilakan nan tamakan” – @Rikoanafi
18. ‘anak salido’ mkn kuini | uini dimakan jo hati snang | elok lakunyo nak mudo kini | tiok rabu malam bapantun minang – @Anne_Suija
19. Anak sipasan jo anak kuciang | samo-samo mati takabek | takijok2 tapiciang-piciang | dek alunan “suaian balenggek” – @eQ_abai
20. Ikonyo lagu “ratok pasaman” | lagu didanga di pos rundo | Yo sabana rindu kampuang halaman | Takana mande apak jo kasadonyo – @pareman_gaduik
21. Pai kapasa mangaja urang | urang dikaja sambia balari | jikok cinto indak tasampaian | bia “Luko den baok mati” – @billyBTS
22. Dicari antah dima kadicari|lah denai cari kadalam hutan|baa denai indak gigik jari|cintonyo kito “cinto sapasukuan – @syaefulhamzah
23. Indak kayu janjang dikapiang | indak rotan aka pun jadi | yo adiak sayang sabana santiang | buek uda “gamang manabuih janji” – @anggi_pratama
24. Pai jln ka Sungai bangih | Tibo disinan mambali patai | Usah lah adiak manangih | Kito “bapisah bukan bacarai” – @pareman_gaduik
25. pantai aia manih pantai padang | tampek partamo kito basuo | marilah diak kito pulang | karano hari lah “laruik sanjo” – @AdrianFumi
26. Main-main kadalam rimbo | tasasek dakek pusaro | apo guno kito basamo | kalau “cinto babagi duo” – @Vegi30
27. pakek malam maelo nyiru | nyiru untuak baburu kandiak | sasak dado manahan rindu | oi cpek “pulanglah adiak – @iRay_Vando
28. makan manggih pakai cubadak | kaduonyo samo bagatah | adiak manangih dek bacakak | ”katiko cinto musti mangalah” – @nandagusra
29. ramo-ramo sikumbang janti | katik endah pulang bakudo | basaba denai mananti | lah “baranak ampek” den nanti juo – @Rj_Mantari
30. ka pasa mambali lapek | yang manjua alah tuo | Biarlah “Simpang Ampek” | yang manjadi saksi cinto kito baduo – @sandi_dara
31. Iko dayuang, “dayuang palinggam” | Didayuang jo duo tangan | Baa dunsanak ndak ka damam | Cinto batapuak subalah tangan – @____REA
32. Si pono mambali timah | timahnyo dibaok jo goni | walau cinto wak ditolak “fatimah” | masih ado “halimah” jo “nurjani” – @REJambak
33. takana buah sampelo | nan tumbuah dakek kumih kuciang | takana kisah lamo | kasiah batauik di “jambatan latiang” – @infoSumbar
34. Sabana lamak makan tempe | Pacah piriang balah ampek | Takana awak jo ‘pasan mande’ | Piliah laki jan tukang angkek – @rhyrin_vLoppy
35. budi elok rupo rancak | duduak manih di bukik langkisau | uda yo sabna taragak | malam ko juo uda sonsong jo “Sinar Riau” – @Chrismondarl
36. angkot jati pai manambang, tibo dipasa ditilang polisi, sungguah hati saraso tabang, takana maso “babendi-bendi – @dedewardinal
37. Pai ka pantai aia manih | sudah tu ka pulau angso duo | dalam galak denai manangih | takana maso sapayuang baduo – @vinabintiahmad
38. Denai cubo mamatiak Tabu | Tabu disimpan dalam kamar | Siang malam uda marindu | jo adiak nan banamo JAWINAR – @IkhsaanRamadhan
39. babadak puti dihari siang | badak ka muko baputiahan | kandak hati “maulang sayang | apolah dayo badan bajauahan – @rizkaprima
40. sajak putuih titian kawek | jembatan tuo danau bingkuang | baratuih bana ramuan maubek | badan “batamu mako kasanang” – @rommy_noen