#PantunMinang hadir di timeline dunsanak tiok rabu malam mulai jam 9 malam.
Salamaik malam dunsanak! malam kini kito basobok baliak dalam acara #PantunMinang
Sabalun masuak tema #PantunMinang, ambo nio maingek an tentang aturan #PantunMinang, disimak:
1. wajib pakai hestek #PantunMinang
2. Pantun indak buliah manganduang unsur pornografi dan SARA
3. diharok an kapado dunsanak, bapantun jan supayo di-RT. Bueklan pantun sa kreatif mungkin. okey?
Untuak malam kini #PantunMinang nyo Pantun Lawak dengan tema “Tampaik Wisata Sumatera Barat”
- siang hari main layang-layang | mainnyo di sawah kariang | kalau ka Padangpanjang | jan lupo mandi di Lubuak Mato Kuciang (@AdrianFumi)
- Kok adiak kanai PHP | kuduang palo e arak pai pawai| nan baa kecek vocalist RHCP | That’s a heaven in Mentawai (@OlidPanuli)
- karipik pisang karipik kantang | kaduonyo taraso manih | lah tibo liburan panjang | saatnyo baok anak daro ka pantai aia manih (@infoSumbar)
- Indak karajo tandonyo male | ibo ati maliek si bujang | Jikalo hendak mancubo ale-ale | hendaknyo pai ka Silungkang (@NdyGoreng)
- Angku gadang bali hape seken | mambalinyo di pasa padang | Jan mangaku alah keren | kalau alun mancigok sipuncak lawang (@RiniRosya)
- Siang hari mamakai payuang | bajalan dihari angek | taragak mancaliak istana pagaruyang | itu tampek wisata yang ambo ingek (@Nando_Saint)
- Kalau nio ka pasa ateh | paliang lasuah lewat janjang gudang | kalau nio liburan mambakeh | cubolah makan pensi dbwah jam gadang (@mikechimishi)
- banyak urang sadang bagaya | nyo nio pai ka jakarta | kalau ndak salah di dharmasraya | ado tampek namonyo danau cinta (@kidridho)
- Taluak bayua ikannyo jinak | ikan nyo lamak dimakan | kok indak ado acara bisuak sanak | rancak pai ka mifan (@BayunandaGR)
- baringin kayu nyo tinggi | kayu diambiak utk k galeh | kalau sanak pai ka bukittinggi | singgah lah di nagari TIGOBALEH (@OrisIIQ)
- kok nasi masih angek | jan disiram jo kuah pangek | kok badan lah panek-panek | marilah kito ka pamandian aia angek (@ikhsanharza)
- pisang tapijak jadi picak | tapijak dek urang rantau | libur panjang mancari tampek rancak | marilah pai ka lembah harau (@adilwiska)
- malala ka puncak lawang | singgah sabanta di pantai gandoria | taragak pulang ka padang | makan jaguang baka di jembtan siti nurbaya (@arya_nando)
- Angku umar ma asah pedang | pedang diasah baok ka solok | jan mangaku urang padang | kalau alun pai ka pantai carocok (@randhyvizioner)
- nan lato muko si jejen | sabana bagalemak peak | sabana sajuak hati den | maliek pamandangan danau singkarak (@Takut_Ganteng)
- Kok hari lah ujan | jan lupo mamakai payuang | kok lah masuak musim liburan | marilah kito ka istano Pagaruyuang (@ekky_86)
- sakik badan karajo panjang | pai ka makan samba pucuak ubi | jikok kito baoto ka padang panjang | ndak salah lai caliak aia tajun lambah anai (@rwhyu)
- Sadiah hati hiduik di rantau | tiok hari balinang aia mato | Kalau sanak pai ka lintau | jan lupo singgah ka puncak pato (@FannyMarpalinda)
- di panorama ado lubang | lubang banamo si lubang japang | bilo ado sanak waktu luang | pai lah ka marapi jo singgalang. (@OrisIIQ)
- ikua jawi di pantak tungau | ikuanyo bangkak diuruang langau | kok dunsanak pulang dari rantau | jan lupo singgah ka langkisau (@ikhsanharza)
- luruih jalan pai ka ladang | tasasek dek ilang pangana | jan mangaku anak Padang | kalau alun ka Pantai Nirwana (@infoSumbar)
- Rang minang baralek gadang | makannyo bajamba | koq lai ba umua panjang | marilah kito basamo-samo ka danau kamba (@ekky_86)
- jauah jalan nan ditampuah | mambuek paluah manitiak nitiak | Mari kawan kito ka payokumbuah | mancaliak pacu itiak (@Larasaskia)
- rancak di bukik sawah bajanjang | tampek basarang si rajo musang | sabana rancak bumi alahan panjang | mancaliak danau nan sapasang (@adilwiska)
- Makan nasi padang wajib batambuah | itu karajo samaso marantau | jiko sanak ka payokumbuah | singgahlah ka ngalau jo lembah harau (@putriprevia)
- ka balai mambali lado | lado maha ndak tabali | jikok libur ndak tau kamano | pantai padang gagah mananti (@banavilerz_gbr)
- Rang minang baralek gadang | makananyo sanok situka | koq lai ba umua panjang | marilah kito basamo2 ka jembatan Aka (@rebbowster)
- mato jalang wakatu subuah | manunggu urang manjua kue sapik | kok main ka payakumbuah | jan lupo baranang di aia tabik (@giegieghagha)
- si buyuang naiak batih | dek sakik inyo mandasah | sia disiko anak limau manih | lai tahu aia tajun sarasah?? (@infoSumbar)
- pai sabanta bukannyo lamo | hanyo ka lua pai ka halaman | mari kito pulang basamo | caliak tabuik di piaman (@_Fikri)
- jiko malam jan duduak surang-surang | apolai sampai batanggang | jikok tajago siang-siang | jan lupo mandimandi di aia batu gadang (@HardyPdg)
- manangkok ikan naiak sampan | sampan balayia ka muaro | dek kini lah musim liburan | mari kito ka pulau Angso Duo (@infoSumbar)
- kok nio ka singgalang | jan sampai sasek di bukik lampu | jan ngaku2 anak gaul padang | kok alun cubo ka lubuak paraku (@Nicamay)
- Ulang tahun tiup lilin | Makan tar sampai kanyang | Akhir taun pai kapantai carolin | Liburan sambil baranang (@rhyrin_vLoppy)
- pai main k pantai puruih | maliek urang sadang mamukek | jan lupo pai ka bunguih | pai baranang k aie tajun 3 tingkek (@arya_nando)
- Siang-siang duduak tapi pantai | duduaknyo ndak buliah sambia manggarusau |Kok nio pai santai | pailah ka pantai carocok jo langkisau (@Uthiafedra)
- Latiah badan dek bajalan | bajalan mandaki jo manurun | daripado jauah-jauah liburan | elok mandi-mandi di lubuak minturun (@Nando_Saint)
- bamain dihari sanjo | balari diateh pamatang | maso liburan alah tibo | mari kito baranang ka pulau pisang. (@haniff_noer)
- maambiak aia di dalam sumur | aia dimasak didalam panci | taragak pulang ka Pasaman Timur | mandi aia angek di Rimbo Panti (@QoyyimQA)
- Kalau sanak mambuek baju | jan lupo mambali kain | kalau sanak lai satuju | marilah kito ka Pantai Cermin (@infoSumbar)
- Kalau sanak ka buek bangunan | jan lupo pakai batu bata | kalau sanak ka pariaman | jan lupo ka pantai kata (@infoSumbar)
